1 | |
AF222a: 101v fāʾide bir kimesne süci içse yāḫᵛuẕ ṣarımsaq ṣoġan yėse aġzı qoḫusın // gidermek içün turunc yapraġını çiynese giderür * ve turuncı buġday arasında // bıraqsalar bit düşmeye fāʾide bir kişiʾi yılan veyā ʿaqreb ṣoqsa ol araya turunc // ṣuyını ursalar mażarretin defʿ ėde * günlük ile çig balı qarışturub // żīqu n‑nefes qırq gün yiye ve öksürüge daḫı münāsibdür fāʾide turunc // ṣuyını bir ʿavret göbegine sürse oġlan ṭoġurmaya fāʾide ve elma aġacınuñ yabraġını // aġu içmiş veyā yılan ve çıyan veyā ʿaqreb ṣoqmış ādeme icürseler ḫoş ola fāʾide // bir kimesneʾi kelb ıṣırsa incir yabraġını dögüb üzerine ursalar ḫoş ola fāʾide // maṣrūʿa incir yėdürseler ḫoş ola * incir aġacınuñ ṣuyını çürümiş dişlere // sürseler ḫoş ve ḫūb ola fāʾide muqavvī boyan kökini bir kişi on gün günde // birer dirhem yėse pīri tāze cüvān gibi ėder ve on dirhem boyan köki ve beş // dirhem turb toḫmı bal ile maʿcūn edüb istiʿmāl eylese ġāyetde ʿacāyibdür göresin // kirpi ödini qurudub getürse dil baġıdur kimesne anuñ ḥaqqında yaramaz söz // söylemeye qaplan derisin getürse ḫalq icinde ḥürmetlü ola |